Prodigio di Netto

Jesus M.E. Zimmerman “ Chu “

Chu a nase 3 ougùstùs 1958 na Kòrsou
i a lanta den bario di Bok’i Samí.

El a bai skol básiko den e mesun bario
i despues el a sigui ku su formashon na skol tékniko na Brievengat.

Na edat di 14 aña el a kuminsá yuda, despues di ora di
skol, ku labamentu di bòter den Netto Bar.

Na 1978 Chu a bira ‘assistent manager’ di Netto Bar i
for di 2002 e ta fungi komo ‘manager’.

Dia  Chu a bira ‘assistent manager’ di Netto Bar, Netto a siñ’é kon traha e famoso Ròm Bèrdè.
Chu ta e persona ku sa e reseta úniko i eksklusivo di e ròm tan famoso aki; komo tal Chu por keda konsiderá komo e prodigio di Netto

Chu ta un trahadó ku ta dediká na su trabou i ku ta dirigí e bar ku amor.