Prens Willem Alexander

Sr. Romulo Cosster - Sr. Ernesto Koster - Prens Willem Alexander

Dia 23 di yüli 1990 Netto Bar a risibí e prestigioso bishita di Prens Willem Alexander.

Pa hopi aña kaba tabatin tur djaweps atardi un kaminata dor di hanchinan di Otrabanda pa laga tantu turistanan komo hendenan lokal sera konosí ku historia i arkitektura di e parti aki di Willemstad.

E kaminata aki semper tabata kaba den NETTO BAR, kaminda tur esnan ku a partisipá ta freska e garganta ku entre otro awa di koko, kualke refresko òf un kèlki di e famoso Ròm Bèrdè.

Prens Willem Alexander, miembro di kas real di Hulanda i susesor di Su Mahestat la Reina Beatrix, durante di su biahe pa Kòrsou na 1999 tambe a partisipá na un kaminata den Otrabanda i a terminá e kaminata aki tambe na Netto Bar.

Señor Ernesto Koster, propietario di Netto Bar tabatin e honor di risibí Prens Willem Alexander den su negoshi. Pa Señor Ernesto Koster e bishita aki tabata algu masha grandi i semper el a keda papia di e bishita aki.

Ainda por mira potrètnan di e dia históriko aki i un potrèt di Prens Willem Alexander.